左右唔平衡、肌肉冇感覺——問題真係肌肉過緊？

係做動作調整的時候，聽得比較多的問題就是：

「我感覺唔到目標肌肉用力」

「我覺得左右邊不平衡」

「我練得好多，但好似都唔知邊度用力」

而以上的問題不限於普通坐office的人，而係健美比賽參賽者、教練、不同項目的運動員都會遇到呢個問題。

所以問題不可以以「訓練不足」或者「坐得太多」黎解釋。

好多人希望搵到一塊「太緊」或者「唔識用力」嘅肌肉，再透過放鬆、激活等方法令動作變返正常。

但好多時候，肌肉嘅表現只係結果，真正出問題嘅其實係本身的訓練動作。

係做完放鬆、激活後，如果之後仍然用返原本嘅方式郁，身體好快就會回到熟悉嘅張力分配。

因此，最終都係要做得出好的訓練動作，先可以解決上面所提到的問題。

—

甚麼是好的訓練？

好的訓練每個人都可以有不同的講法。

一般而言，符合訓練目標，能夠令到客人向訓練目標更靠近的就可以算是好的訓練。

訓練唔係單純做更多重量、更多次數，又或者不停刺激某一塊肌肉，重點都係能否做到好的動作控制。

好的動作控制，大致上可以歸類為：

• 「想動的關節能夠順暢移動」

• 「不應該動的關節不會動」

• 「關節可以按次序移動」

要做到這點，除了需要有好的肌肉力量外，還需要有好的制動能力，或者是關節的控制能力。

—

中軸控制與核心肌群

眾多關節當中，最重要的就是身體中軸的控制能力。

下肢的動作需要骨盆穩定，希望進行下肢動作時不會出現過度圓背的情況。

上肢的動作需要肋骨穩定，希望進行上肢動作時不會出現過度挺胸或含胸的情況。

當你能夠做到這些能力，上下肢的主要肌群就能夠有好基礎去進行動作。

此外，移動時身體的重心控制，上下半身的力量傳導，協調活動等，都依靠身體中軸的控制。

也是為甚麼我們最終需要透過呼吸與各種核心動作去訓練核心肌群。

但講到核心訓練，大家都會聯想到用力繃緊軀幹肌肉的方式。

大家都會覺得需要無時無刻都「hold 實core」先係好的方式。

但人唔係機器人，無可能無時無刻都保持住谷實的狀態。

對於中軸來講，多角度發力的能力，分段發力的能力，都同樣重要。

—

關節活動與關節中立化

訓練，單純令到肌肉能夠發力就夠了嗎？

正如上面提到，任何時間都繃緊核心本質上並不能帶來好的動作，還需要在整個活動過程中能夠有好的控制能力。

好的關節移動，需要不同肌肉之間協調發力，多塊肌肉分別進行「延展」與「收縮」。

在緩慢的伸展與收縮當中協調控制關節的動作。

當多個平面的肌肉都能夠維持張力，並且協調動作後，關節就會一直維持在一個更對齊的位置當中活動。

亦即是「關節中立化」。

關節中立化能夠令到關節活動時更接近其軸心，在發力時更有效率。

另一方面，在承受衝擊力的時候能夠令到張力更分散，而不會偏向任何一點，任何一個平面。

—

回歸動作控制，才能做好有質量的訓練

每次檢查後，最終都需要回歸有質量的訓練，引導身體關節做好特定的發力動作，先可以真正解決問題。

Quick fix 雖然可以短暫改變身體，但真正令身體改變嘅，永遠都係反覆訓練的動作。

當身體能夠做出持續地做出好的動作，先能夠避免問題再次產生。

所以，每次評估之後，最重要嘅仍然係回到訓練。

問題嘅根源，除左針對邊塊肌肉太緊或者太弱，仲可以思考個動作本身有冇做得好。搵返好嘅動作，先係處理呢類問題嘅起點

好多時候，我哋以為訓練就係重複動作。但當你真正理解身體如何運作，就會發現——訓練唔只係發力，更係一場思考與調整。

在 Performancefix，我哋會透過動作評估，幫你找出身體發力嘅「斷層」，再以針對性訓練或物理治療，協助你改善動作模式、減少痛症、提升表現。與解剖學帶入日常工作，而非把這些資訊當成過於複雜的科學。

歡迎whatsapp 查詢！