「教練，我有脊椎側彎，可唔可以做負重訓練／做深蹲硬拉？」 呢個問題好常見，而答案通常唔係簡單嘅「得」或者「唔得」，而係要先搞清楚三件事： 大多數人都有程度不一的側彎，差別在於嚴重程度同功能影響有幾大。 脊椎側彎唔等於唔可以做阻力訓練，但訓練種類、強度、進度需要按個人狀況調整。 我哋無需要、亦未必能夠將脊椎完全「拉直」。訓練目標係解除限制、提升生活品質，再進一步追求力量、體態或運動表現。 真正要問嘅唔係「側彎可唔可以訓練」，而係：側彎之下，身體仲可唔可以有效呼吸、建立腹內壓、維持張力分配，同承受負荷？ 為何「脊椎側彎」會令人恐懼？ 好多人一聽到「脊椎側彎」就即刻聯想到：嚴重、危險、唔好郁、唔可以舉重。但現實係：由於慣用手、姿勢、工作生活習慣、運動偏側等因素，好多人都會出現不同程度的側彎或旋轉偏移。 除咗少數屬於先天／發育相關嘅側彎外，多數情況係後天形成，而且成因往往唔止一樣。所以比起追究「點解會側彎」，更實用嘅問題係： 側彎有冇影響你嘅呼吸與壓力調控？ 有冇令你某啲方向特別卡、特別易代償？ 你喺負荷之下仲守唔守到基本對線同張力？ 側彎會點樣影響動作

講到練臀，最多人第一時間諗起臀大肌（Gluteus Maximus），亦都知道要做 hip thrust、glute bridge、cable kickback 去「夾到好有感覺」。但如果由動力鏈（kinetic chain）同負重控制角度去睇，臀大肌嘅角色遠唔止「向心收縮」同「髖伸展出力」咁簡單。 臀大肌本質上係一個連結點： 連住骨盆、股骨、髂脛束（IT band）同胸腰筋膜（thoracolumbar fascia）。 所以無論你係單腳支撐、跑跳推進、落地轉向、甚至上肢投擲，臀大肌都會參與「位置控制」同「力量傳遞」。 想真真正正用到臀大肌，你要重新理解：臀大肌唔係只負責推你向前，而係負責令你喺負重同動態之下依然保持對線、穩定、同有效傳力。 臀大肌解剖：點解佢會影響膝、骨盆同下背？ 臀大肌嘅起點（proximally）包括： 髂骨後側（posterior ilium） 薦骨與尾骨 薦結節韌帶 胸腰筋膜 而佢嘅遠端連結（distally）大致分兩部分： 淺層纖維 → 髂脛束（iliotibial tract / IT band） 深層纖維 → 股