胸腰筋膜是甚麼？重新理解你的後側張力系統與核心穩定

胸腰筋膜是甚麼？為甚麼你只練前面會愈來愈僵？

講到核心穩定，很多人第一時間會想到腹部肌群，特別是腹橫肌與腹內斜肌。「收腹」、「頂住個肚」、「保持核心張力」係訓練場上常見 cue。

但如果核心真係只靠前側肌肉維持，身體其實好難應付真實動作入面出現的負荷變化。因為動作從來唔係只向前發生——推、拉、旋轉、單腳承重，全部都需要後側參與張力管理。

胸腰筋膜：被忽略的後側張力系統

核心係一個圓筒型結構，除咗橫隔膜、腹橫肌與腹內斜肌，後側同樣包括胸腰筋膜與多裂肌等結構。

胸腰筋膜（thoracolumbar fascia）並唔係單一一層包膜，而係由多層筋膜與腱膜結構所組成，覆蓋並分隔腰椎周圍肌肉群，同時將身體前後兩側連結起來。

一般會將胸腰筋膜分為三層：

• 前層：位於腰方肌前方，與腹橫肌、腹內斜肌的腱膜及內臟筋膜系統連續，與腹內壓建立及壓力向後傳遞有關。

• 中層：位於腰方肌後方、豎脊肌前方，由腹橫肌腱膜、腰方肌筋膜與包覆豎脊肌筋膜在側方融合，係前後張力整合的重要界面。

• 後層：位於最背側，包覆豎脊肌與多裂肌，上連胸椎、下連骨盆，並與背闊肌、臀大肌腱膜連續，形成跨越上下肢的張力網絡。

可以見到胸腰筋膜分成3層

重點係：胸腰筋膜唔係「包住」肌肉，而係一條把腹部、脊椎、骨盆與四肢串連起來的張力通道。

張力點樣由前走到後？

腹橫肌與腹內斜肌收縮時，張力唔只係向內壓縮腹腔。透過腱膜與筋膜連結，張力會向後傳遞，改變豎脊肌、多裂肌的張力狀態。

同樣地，臀大肌或背闊肌參與推、拉、髖伸等動作時，張力亦會經由胸腰筋膜向中軸回饋，影響骨盆與脊椎的穩定策略。

因此，核心張力從來都唔係單向流動，而係一個前後交替、上下連動的過程。

因為胸腰筋膜的連結，所以跑步時會出現右手左腳同時往後方。

為甚麼只練前面，反而會更僵？

當後側張力無法有效參與動作，前側肌群就會被迫長期承擔穩定責任，常見結果包括：

• 腹部長期繃緊，但動作唔順

• 呼吸變淺，橫隔膜下降受限

• 骨盆控制難以穩定

• 需要全身用力先「撐得住」，但一轉方向或一加速度就崩潰

呢種狀態其實唔係「核心太弱」，反而更似係張力分配失衡。

核心不是一個位置，而是一個系統

胸腰筋膜的功能，唔可能靠靜態姿勢或單一肌肉啟動去理解。它真正發揮作用，往往出現喺行走、單腳承重、推拉與旋轉等需要張力轉換的動作之中。

穩定並唔係「唔郁」，而係能夠容許變化，同時保持控制。當張力能夠被建立、被分散、被釋放，動作自然會變得輕鬆而有力；當系統無法處理張力轉換，再理想的姿勢都只能短暫存在。

想練好身體，改善身體控制？

好多時候，我哋以為訓練就係重複動作。但當你真正理解身體如何運作，就會發現——訓練唔只係發力，更係一場思考與調整。

在 Performancefix，我哋會透過動作評估，幫你找出身體發力嘅「斷層」，再以針對性訓練或物理治療，協助你改善動作模式、減少痛症、提升表現。與解剖學帶入日常工作，而非把這些資訊當成過於複雜的科學。

歡迎whatsapp 查詢！