動作評估個案分享：推胸時肩關節痹痛？

推胸出現狀況大家都可能聽得多，但可能都比較少聽到形容推胸時骨頭有碰撞感，有「骨撞骨」嘅感覺。

最近進行左幾次動作評估課堂，遇到一些有趣嘅情況。

其中一位，係表示推胸同chest dip嘅過程中，感到明顯嘅痹痛感，但日常生活則無問題。

進行更進一步嘅詢問，就有發現10年前進行排球訓練時都有同樣的症狀出現，因此直接放棄排球。10年後健身時發現同樣的情況，因此更加下定決心想處理一下。

先從肩胛骨檢查開始

首先，簡單檢查不同關節問題，一般上肢都會從胸鎖關節、肩鎖關節、肩胛胸壁關節進行檢查，以確定鎖骨同肩胛骨有無問題，睇下有無可能係肩胛骨同鎖骨問題而導致肱骨活動不良。

好快確定係肩鎖關節有異常，上斜方肌過度繃緊。

放鬆上斜方肌後，嘗試推胸訓練，情況有明顯改善。

保守起見，會再進一步檢查肱盂關節的活動能力，以確保關節功能正常。

肱盂關節檢查，基本上會檢查不同平面的發力能力，例如外展、內收、內外旋等等。而檢查後發現某些特定平面依然係有發力不足的情況出現。

再進一步詢問同檢查後，發現小圓肌有輕微萎縮的情況。

甚麼是四角空間？

肱骨同肩胛骨本身，有一個被稱為四角空間 quadrangular space 的地方。

所謂四角空間，係指由骨骼、肌肉框起來嘅一個四邊形。

• 上緣：小圓肌

• 下緣：大圓肌

• 內緣：肱三頭肌長頭

• 外緣：肱骨幹

呢個四邊形中間有腋神經以及後旋肱動脈通過，而腋神經主要支配三角肌以及小圓肌，因此，假如肱骨長期移位，導致腋神經收到擠壓，就有可能導致更進一步的肱盂關節不穩定的情況。

動作評估可以點樣幫手？

動作評估或訓練不能夠直接治療腋神經，但係能夠嘗試搵出會使症狀變差嘅位置，避免係某些角度訓練，以及進行關節穩定性訓練，期望能夠協助肱骨穩定係比較良好嘅位置，減少四角空間的壓逼。

最後，進行左一系列針對肱骨的訓練後，情況有改善，推胸時感覺有變暢順，兩邊差異性不大。

當然，動作評估只能搵出適合的訓練方式，但不能夠完全取代治療，後續亦都建議轉介到物理治療師進行更進一步的治理！

甚麼是動作評估？

動作評估係一個針對動作失能嘅一個詳細評估服務，協助大家搵出需要重點照顧的關節，制定更針對性的訓練方法。

假如你日常生活時感覺關節正常，但係訓練或者運動時就感覺動作控制失衡，「有力用唔出」，點練都達唔到目標效果，就歡迎來進行動作評估，搵出與目標的Missing Link ！

如果有興趣進行動作評估嘅朋友，歡迎進行預約！