訓練時經常覺得握力不足？比起練前臂，可能你更需要練動力鏈
- Performancefix
- 2025年9月1日
- 讀畢需時 3 分鐘
已更新：2025年9月24日
對於好多人來講，當你做比較重嘅訓練嘅時候，好可能就會發現前臂先無力。
特別係剛剛開始訓練嘅時候，係做拉嘅動作，例如硬拉、划船等動作嘅時候，都會感覺到前臂特別用力，或者係二頭肌特別用力。
然後前臂好痠軟，但就硬係感覺唔到後側背部大肌肉用力。
到底係咪真係前臂太弱所以影響訓練？
然後好多時候就要開始使用裝備輔助（拉背帶）、或者係使用虛握技巧輔助，甚至有人會特別訓練前臂肌肉，希望能夠延緩前臂肌肉無力嘅狀況。
但除左使用裝備外，更重要的問題應該係：
點解會前臂咁容易無力？
點解會咁難感受到後側的肌肉？
假如我地認真思考一下，會發現兩者都可以用同一個角度去解釋。
主要原因就係上肢動力鏈斷裂。
因為動力鏈斷裂，導致身體需要優先採用遠端肌肉而非近端肌肉發力完成，而長期使用前臂發力，都會導致前臂容易無力。
—
上肢動力鏈點樣運作？
上肢發力一般係採用近端至遠端的發力模式，即係從靠近中軸嘅位置（如肋骨、肩胛骨）用力，再傳送到遠端（如手臂、前臂、手指）等等。
而呢個力量傳送的管道就稱為動力鏈。
理想情況下，動力鏈暢順，就會感覺到近端到遠端的連結感覺。
同樣地，假如力量傳送暢順，係拉背時就能夠完全感覺到背部大肌肉同手掌連結，一進行動作就感受到背部大肌肉用力。
但假如動力鏈出現問題，力量傳送出現斷裂，就會被迫使用遠端肌肉完成任務，也會導致文章開頭所提到的情況發生。
—
動力鏈斷裂嘅其中一個主要原因，就係近端，例如頸椎、肩膀出現問題。
當頸椎與肩膀長期處於不良姿勢，例如圓肩、頭前傾，其實唔止影響外觀，仲會令到經過呢個位置嘅神經同血管受到壓迫。
例如頸椎同第一條肋骨之間嘅「胸廓出口」收窄，就好容易出現一種叫 Thoracic Outlet Syndrome TOS（胸廓出口症候群） 嘅狀態。
當神經受到輕微夾擠時，佢未必會即刻出現痹痛，但會令到 訊號傳遞變弱。結果就係：
後側大肌肉（闊背肌、菱形肌）收縮唔到應有嘅力量
身體就只好用「最容易 recruit」嘅前臂或二頭肌頂上
結果就係前臂先攰，背部永遠感覺唔到用力
呢個現象唔單止影響訓練表現，長期仲會加劇關節壓力，令到傷患風險增加。
所以，問題唔一定係「握力弱」或者「肌肉唔夠大」，而係動力鏈斷裂。
—
如何改善情況？
想針對性處理呢種情況，除左係勤練背之外，其實更重要係針對性處理神經夾擠的成因，令到肌肉、骨骼能夠回到理想的平衡狀態，令神經傳導能夠正常運作。
想針對性處理呢種情況，最重要係針對性處理神經夾擠的成因，令到肌肉、骨骼能夠回到理想的平衡狀態，令神經傳導能夠正常運作。
方法包括：
放鬆過度縮短的肌肉，平衡肌肉張力
訓練被長期拉長的肌肉，回復張力以保持姿勢
訓練關節穩定性，做到多肌肉協調用力
重新訓練動力鏈，尋回上肢應有的能力
但重點，都係要先了解背後結構。
理解背後結構，先可以真正做到「用對肌肉，少受傷，多發力」。
如果你長期受動作問題困擾，歡迎嘗試動作評估服務！
甚麼是動作評估？
動作評估係一個針對動作失能嘅一個詳細評估服務，協助大家搵出需要重點照顧的關節，制定更針對性的訓練方法。
假如你日常生活時感覺關節正常，但係訓練或者運動時就感覺動作控制失衡，「有力用唔出」，點練都達唔到目標效果，就歡迎來進行動作評估，搵出與目標的Missing Link ！
留言