上斜方肌總是緊？可能唔係鬆得唔夠，而係練得唔夠

「好多時候，我哋一覺得肩頸繃緊，就會第一時間拎筋膜槍、做拉筋、搵人按摩。短時間內可能舒服啲，但過幾日又返嚟。

其實，上斜方肌緊繃，未必係因為『太硬』，反而可能係因為太弱。

當一塊肌肉長期無力時，大腦會加大張力，好似開咗個防護罩一樣，逼住佢維持穩定。結果就係：你越放鬆，佢反而越緊。」

—

斜方肌解剖學

斜方肌唔單止係「肩頸肌肉」，其實佢係肩胛骨最重要嘅控制肌之一。

斜方肌由枕骨一路連結到第 12 節胸椎，再連到肩胛骨同鎖骨，功能係協調肩胛骨嘅上下旋同穩定。

如果因為姿勢唔好（例如長期寒背、頭前傾），肩胛骨長期停留係前傾、下拉嘅位置，上斜方肌就會被長期拉長。

結果係：本身已經無力，仲要長期處於「拉扯」狀態，大腦就只能透過繃緊來維持穩定。

所以，問題唔係要再放鬆，而係要重新學識 控制肩胛骨旋轉，令斜方肌可以有效收縮，張力自然就會減低。

—

所以應該點做？係咪要練聳肩？

更好嘅做法，唔係繼續放鬆，而係透過控制肩胛骨來縮短上斜方肌，達到降低張力的效果。

一講到練上斜方肌，大家會第一時間聯想到聳肩訓練。

但從解剖學連結來看，提肩胛上肌會比上斜方肌更適合做肩胛骨上抬的動作，因此透過呢個聳肩去練上斜方未必係一個足夠直接的方法。

比較直接的方法應該係控制肩胛骨的上下旋轉的能力。

透過係不同角度下進行受控的上下旋轉去訓練肩胛骨的控制，係更好嘅斜方肌訓練方法。

「上肢被設計成多角度活動的關節，所以假如感覺到上肢繃緊的話，應該優先選擇多活動，而非更多的放鬆。」

—

理解背後結構，先可以真正做到「用對肌肉，少受傷，多發力」。

如果你長期受動作問題困擾，歡迎嘗試動作評估服務！

甚麼是動作評估？

動作評估係一個針對動作失能嘅一個詳細評估服務，協助大家搵出需要重點照顧的關節，制定更針對性的訓練方法。

假如你日常生活時感覺關節正常，但係訓練或者運動時就感覺動作控制失衡，「有力用唔出」，點練都達唔到目標效果，就歡迎來進行動作評估，搵出與目標的Missing Link ！

如果有興趣進行動作評估嘅朋友，歡迎進行預約！

Team Performancefix 有多位不同專項嘅教練以及物理治療師，能夠依照每個客人的個人需求設計治療與訓練方案，務求達到最佳效果！

如果你一直都深受上斜方肌問題困擾，Team Performancefix 提供物理治療同訓練雙關齊下嘅綜合治療方案，務求令病人得到更全面更有針對性嘅處理！

歡迎whatsapp 查詢！