點解動作矯正成日打回原形？從系統條件、負荷轉移與訓練強度解釋

點解矯正動作成日矯正唔到？

近年「動作矯正」成為健身與復健界常見關鍵字。不少教練投入大量時間學評估、學 cue、學修正動作，希望改善動作品質。

但常見現象係——矯正當下睇落好似改善咗，但只要一加重量、改節奏、轉換環境，問題又再次出現。

問題唔係「要唔要矯正」，而係：點解好多矯正只能維持一陣？

矯正失效，往往唔係方法問題

當效果無法延續，第一反應通常係懷疑 cue、技巧或動作選擇。但實際上，問題未必出在方法本身，而係身體尚未具備承載修正的條件。

如果一個動作只能喺低負荷、低干擾、極度專注嘅情況下成立，代表該修正尚未被整個動作系統真正吸收。當負荷增加、節奏改變，系統自然回到最熟悉的策略。

「形似神不似」：矯正停留喺表面會發生咩事？

好多矯正停留喺「外觀像」，但缺乏「系統條件」支撐。常見線性選擇包括：

• 膝唔穩 = VMO 訓練

• 肩問題 = 肩外轉＋肩胛後縮

• 骨盆前傾 = 髖屈肌伸展＋死蟲式

呢些方法可能短期有效，但未必能轉移到真實動作。因為你需要先回答：問題到底係局部結構，定係整條鏈（腳踝、髖、胸椎、張力分配）造成？

另一個盲點：矯正強度 vs 實際動作強度不匹配

就算動作選得啱，如果你採用的是單關節、單平面、低阻力、低穩定需求的矯正動作，而學員真正需要面對的是開放式、速度快、強度高的場景——系統當然會打回原形。

矯正要有效，重點唔係「做過」，而係能否：

• 逐步提升負荷與干擾

• 將修正策略過渡到真實訓練

• 讓系統在壓力下仍能維持新策略

  
  

解剖學唔係背名詞，而係理解「點解會咁郁」

如果解剖學只停留喺肌肉起止點同單一功能，就好容易把問題簡化成「加強某塊肌」。但當你理解結構分工、張力如何前後傳遞、穩定如何由多組織共同完成——矯正先會由「跟住做」升級成「有判斷、有取捨」。

矯正之前，更重要係判斷條件

與其急於修正外觀，不如先判斷：

• 身體能否維持基本張力分配？

• 目標動作需要滿足甚麼先決條件？

• 由靜態進入動態時，穩定是否仍然存在？

當條件未成立，應該退階，先建立一個系統能接受的版本，再逐步進階。矯正唔係目的，而係一個需要被整個系統承載的結果。

結語：當動作被放回「系統」層面理解

由骨盆控制、呼吸與橫隔膜，到腹橫肌、腹內斜肌，再到胸腰筋膜與背側張力系統，前幾篇文章其實一直圍繞同一個重點：身體各結構環環相扣，並非單獨運作。

當你用系統角度理解矯正，你會更關心：

• 如何令身體具備更多動作策略？

• 如何令張力能夠建立、分散、釋放？

• 如何讓新策略在壓力下仍能成立？

當系統具備更多選擇，動作自然更流暢，局部負荷亦會下降。

想練好身體，改善身體控制？

好多時候，我哋以為訓練就係重複動作。但當你真正理解身體如何運作，就會發現——訓練唔只係發力，更係一場思考與調整。

在 Performancefix，我哋會透過動作評估，幫你找出身體發力嘅「斷層」，再以針對性訓練或物理治療，協助你改善動作模式、減少痛症、提升表現。與解剖學帶入日常工作，而非把這些資訊當成過於複雜的科學。

歡迎whatsapp 查詢！