呢個題材都想寫一段時間，主要係為大家釐清一個概念：究竟有無sport specific training運動專項訓練？
好多人都會以為不同嘅運動專項會有不同嘅訓練方法，然後推出basketball-specific/badminton specific training/football specific training。
但實際上，不同運動員之間，80%的訓練都是差不多的內容。簡單黎講，就係全面地提升運動員嘅身體質素，包括提升肌肉量、最大肌力、爆發力、跑跳投等基本動作模式。
——
有無真正的sport specific training？有，就係本身運動的練習。始終好多動作都係context-specific， 需要有特定的stimulus先會做到動作。例如羽毛球每個波落點會唔同，籃球對手防守動作會不同，網球個波每次會有唔同落點同旋轉等等，而呢啲stimulus會令到身體用不同的方式去回應。呢種回應方式係健身房無可能訓練得到，而需要運動員另外抽時間訓練，或者搵專項教練協助。
而S&C coach嘅職責，係全面提升身體質素，令到運動員有能力更好地展現已有嘅技術。有玩開運動嘅朋友都知道，速度高與低、到位同唔到位、身體有無力，都會影響做出來嘅技術質量。換句話講，你技術幾好，身體質素唔夠好都會影響你嘅表現。
如果咁講，係咪不同運動嘅運動員嘅訓練都一樣？事實上係真係大同小異，分別係取決於運動員嘅訓練經驗、身體質素、比賽日期、過往傷患等等因素。
——
當然，如果係1對1或者1對2訓練的話，可以更有針對性去思考。相對sport specific training，更應該思考嘅係athletes specific training，你眼前嘅運動員需要提升啲咩質素？即係fill the empty bucket嘅概念，改善最弱嘅項目，已經足以令到運動表現提升。
所以，延伸思考，係應該要理解運動員面對緊嘅問題，想改善嘅特質，佢現在嘅身體特質等等概念，再去設定訓練同給予合適嘅訓練指示同program。
例如運動員覺得自己速度慢，咁實際上可以細分為：
反應慢
變向慢
絕對速度慢
加速慢
到底係邊樣？
如果係變向慢，都可以再細分為：
減速能力弱
加速能力弱
變向技術差
重心控制差
特定方向的變向差
到底係邊樣？
——
而以上問題的答案都會引伸出不同的訓練動作選擇和訓練重點。
減速能力弱，就練離心能力
加速能力，就練爆發力動作
變向技術差，就教變向技術
重心控制差同特定方向的變向差，就檢查有無肌肉同結構上嘅不平衡，再用相應嘅訓練動作去平衡。
所以，實際上唔係視乎你嘅運動員正在進行嘅運動，而係你眼前嘅運動員到底想解決咩問題，想改善咩特質，然後再針對性去解決，呢個就係athlete specific training。
Comentários