呢本172頁嘅書係我高度推薦嘅一本書，係一本入門級講呼吸嘅書。
Buteyko method係一種minimalist形式嘅呼吸訓練方法，透過控制呼吸頻率，逐步減低每分鐘呼吸次數，並改善因呼吸而黎嘅symptoms。
Buteyko 認為過度呼吸同用口呼吸，導致身體二氧化碳含量減少同埋經常吸入較乾燥同冷嘅空氣，係導致氣管收窄同哮喘嘅主因。
要改善哮喘，#就要由控制呼吸開始。
過度呼吸嘅成因有好多：
Over-eating
Talking too much
Stress
Sedentary lifestyle
Big breathing
Asthma
Higher temperatures
其中有啲係可以透過改變生活習慣而改善的。
——————
係開始訓練之前，書中介紹左一個叫Control Pause (CP)嘅呼吸測試。
先慢吸，再慢呼，然後閉氣。
計時，直到有想呼吸的感覺就停。 從新緩慢地呼吸。
需要留意的係閉氣後嘅第一下呼吸應該都係緩慢而受控的，如果一從新吸氣就猛烈大啖吸的話，即係閉氣得太耐，時間會唔準確。
時間少於10秒：
呼吸不良、哮喘情況較為常見，或者係高危患者。
時間少於20秒：
咳、呼吸不良、頭暈等情況依然常見
20-40秒之間：
呼吸會較為平和、較少哮喘症狀
多於40秒： 無症狀、呼吸非常平穩、健康
大家不妨測試一下自己嘅時間。
——————
要改善CP，有3大步驟：
減少大口呼吸，盡量鼻吸鼻呼，保持呼吸平穩 盡量減少呼吸次數，加入閉氣訓練 如果CP高於20，嘗試係運動時都控制呼吸，鼻吸鼻呼
書中都有提到一啲簡單exercise去提高CP，例如日常步行時閉氣，或者閉氣30秒做簡單exercise，令身體習慣係氧氣較少時可以運作，都係可行做法。
總體黎講，有良好嘅呼吸習慣就幾時都幫到手，如果大家有興趣的話，不妨去amazon買本黎睇。
如果想睇更多內容的話，可以報名參加《基礎呼吸與核心肌肉工作坊》，我會更深入講解呼吸嘅知識同訓練方法。
Comments